by Dovid Katz
ווילנער אַנטיקל⸗זאַכן
כ″ד
די ווילנער יידישע קהילה, אינעם בוך „באַריכטן פון דער טעטיקייט פון דער ווילנער קהילה פאַר דער צייט פון 1טן יאַנואַר 1919 ביז 15טן אַווגוסט 1920“ ברענגט אוצרות מיט אינפאָרמאַציע וועגן לעבן, דערציאונג, געזונט, עקאָנאָמיע און אַנדערע תחומען פון ווילנער יידישן לעבן אין יענע יאָרן. עס איז דערשינען אין 1921 אין דער דרוקעריי פון ציונסאָן אויף טראָקער 13.
דאָ ברענגען מיר די טאַבעלעס וועגן געבורטן און שטאַרבלעכקייט, און וועגן דער צוזאַמענשטעלונג פון דער יידישער באַפעלקערונג לויטן עלטער: אין דער גאַנצער רוסישער אימפּעריע; אין ווילנע אין 1897; אין ווילנע אין 1919.
