Keepsakes of Old Jewish Vilna (13)

by Dovid Katz


ווילנער אַנטיקל⸗זאַכן

י″ג

        עטלעכע וואָכן נאָך דער נאַצישער אינוואַזיע אין ווילנע, איז אַרויסגעלאָזן געוואָרן אָט דער באַפעל, דעם 11טן יולי 1941, געשריבן אויף פּויליש און אונטערגעשריבן פון די צוויי ליטווינער אָנפירער פון דער שטאָט: סט. זשאַקעוויטשיוס, פּרעזידענט פון שטאָט און ראַיאָן קאָמיטעט, און פון סאַמעראָדנעם מעיאָר (בירגערמייסטער, ראש העיר) פון דער שטאָט, א. קרוטוליס.

          ווייטער גייען איבערזעצונגען פונעם דאָקומענט אויף יידיש און ענגליש. אַ דאַנק נאַטאַליאַ סינייעוואַ פּאַנקאָווסקאַ (וואַרשע) און שאָון מאַרטין (קליוולאַנד, אָהאַיאָ) פאַר זייער ברייטהאַרציקער הילף וואָס איז שייך דער איבערזעצונג.

___

מעלדונג נומער 4 פון בירגערמייסטער פון דער שטאָט ווילניוס

אַלע אַדמיניסטראַטאָרן פון נאַציאָנאַליזירטע הייזער, אַדמיניסטראַטאָרן פון הייזער איבערגענומען דורך די מאַכט⸗אָרגאַנען, ווי אויך אייגנטימער פון ניט⸗נאַציאָנאַליזירטע הייזער זיינען באַפליכטעט צו דערלאַנגען צו דער קאָמערצן⸗אָפּטיילונג פון דעם שטאָט קאָמיטעט פון ווילניוס (וואָקעטשיו גאַס 22, אויפן צווייטן שטאָק, צימער 4), פאַר דריי אַזייגער נאָכמיטיק דעם 15טן יולי האַיאָר אינפאָרמאַציע וועגן די איינוואוינער פון די דאָזיקע הייזער, אָנגעבנדיק דעם נאָמען פון דער גאַס, נומער פון דעם בנין, און די צאָל איינוואוינער אינעם בנין: 1) אַריער, 2) יידן.

בלויז אַזעלכע וואָס זיינען רעגיסטרירט אויפן אַדרעס און וואוינען דאָרטן פאַקטיש קענען צוטיילן די אינפאָרמאַציע. אינפאָרמאַציע וועגן יעדן אינדיווידועלן איינוואוינער מוז געגעבן ווערן אויף אַ באַזונדערן בלאַנק.

די בלאַנקען קען מען באַקומען ביים קאָמיסאַריאַט פון דער פּאָליציי און אין די רעגיאָנאַלע ביוראָען פון רעזידענצן דעפּאַרטאַמענט. די וואָס וועלן זיין שולדיק אין ניט אויספירן אָט דעם באַפעל וועלן באַשטראָפט ווערן.

סט. זשאַקעוויטשיוס, פּרעזידענט פון דער שטאָט און ראַיאָן ווילניוס

א. קרוטוליס, בירגערמייסטער פון דער שטאָט ווילניוס

דעם 11טן יולי 1941

 ___

Announcement No. 4 of the Mayor of the City of Vilnius

All administrators of the nationalized residences, administrators of residences taken over by the authorities, as well as owners of non-nationalized residences are obliged to submit to the commerce department of the city committee of Vilnius (22 Vokiečių St, 2nd floor, Room  4)  before 3 PM of July 15 this year information about residents of these houses stating the name of the street, number of the residence, and the number of residents in the building: 1) Aryans, 2) Jews.

Only individuals registered in the residence and actually living in the residence can submit the information. Information about each individual resident must be submitted on a separate form.

The forms can be picked up in the Commissariat of Police and in the regional offices of the Residential Department. Those guilty of not carrying out this decree will be punished.

St. Žakevičius, President of Committee of the City and District of Vilnius

A. Krutulys, Mayor of the City of Vilnius

July 11, 1941, Vilnius


 

[English translation courtesy of Natalia Sineaeva-Pankowska, Never Again Association; Sean Martin, Western Reserve Historical Society]


 

Comments are closed.